n´ta tchora


n`ta tchora
ora ki bu ta demora
n`ta tchora
dipos ora ki bu ta bai embora
n`ta tchora
ora ki sodade ta devora

n`ta tchora
pa kem ki n`ta adora
n`ta tchora
si bu kiser na bu cara
n`ta tchora
si da na kualker hora

n`ta tchora
sem medu
n`ta tchora
si n`ka kredu
n´ta tchora
di noti ti cedu
tb n`ta tchora
si n`ka merecedu

n`ta tchora
pamo so kem ti kem coragem
ki ta tchora
n`ta tchora
hora ki n`ta bai di viagem
n`ta tchora
si nos destino é apenas um miragem

homi balenti
ta tchora
memu di frenti
n`ta laba nha alma
sempre ki n`tchora
n`ta trazel se calma

n`ta tchora
pa n`exorcita nhas demonios
n`ta tchora
pa n`revilatiza nhas neuronios
n`ta tchora sima tchuba
sima lobo n`ta uba

n`ta tchora
consequencia di bu ausensia
n`ta tchora
tudo indiferença
pamo n`tem conciencia
di tudo injustiça
ma n`ta tchora ku sapiencia
n`ta tchora
pa nhas irmon
pa ses sobrevivencia
n`ta tchora ku exigencia
n`ta finca pe na tchon
n`ta tchora
podi tchoman di tchoron
n`ta tchora
n`ta ku nha eloquencia
n`ta tchora ku inteligencia
n`ta tchora dentu mi
nhas lagrimas
ta keman sima lumi

n`ta tchora pamo n`sa vivo
nha vida e´sima um livro
cada dia um pagina diferenti
ki ta fica gravado na nha menti
n`ta tchora simplesmenti
pamo tb n`kre tchora pa nhas povo

si bu kre animan
ka precisa so brasan
curan es mundo
ki dja fica mudo
pa el,nsa tchora

by Leo Monteiro